WBC чемпионы 41 нокауты бар боксшыны қолғабына ауыр зат салып жеңгенін мойындады

Америкалық боксшы Марселлос Уайлдер (5-2, 2 КО) британиялық Тайсон Фьюри (30-0-1, 21 КО) қолғабына "ауыр зат" салғандығының арқасында ғана америкалық Деонтей Уайлдерді (42-1-1, 41 КО) жеңді деп айыптады, - деп хабарлайды vRINGe.com. Бұл жекпе-жек суперауыр салмақта WBC чемпионы атағы үшін өткен еді. 

Деонтейдің інісі, Марселлос әлеуметтік желіде былай депті: "Сұмдық, бірақ, бұл факт. Биікте болсаңыз, олар сізді жардан шығу үшін бәріне барады. Ал ең жаманы өзіңіздің командадағылар сіздерді ақша үшін оларға сатуға дайын. Дәрігер ауыр қатты зат тигендіктен ағамның басында ойықтың орны барын айтты. Соңғы жекпе-жегінде алған жарақаты. Мұндайды жұдырықпен істей алмайсың. Патша аяғына тұрады. Қанды кек үшін ораламыз!".

Фьюри бұған бірден жауап берді.

"Жаңа ғана ескерме оқыдым, менің қолғабыма ауыр қатты зат салынған екен. Иә, солай. Қолғаптарға әрқайсысы үш келіден екі зат салынды (жұдырығын көрсетті). Онымен басқа дәл тисе, Деонтейдің күйіне түсесің.

Әлде маған қолғап кигізгенін бақылап түрған бапкерлерің Джей Дис пен Атлетикалық комиссия өкілдері қастандық жасады деп ойлайсыңдар ма? Дис сол жерде болды, тейп салғанын көрді, қолыма кимей тұрып қолғапты тексерді. Сондықтан мына сөздерің - жындының сандырағы. Басыңда ойық? Келесі жолы карьераңды ойып тастаймын. Қатарынан екі нокаут деген не екенін білесің бе? Бұл "қош бол, енді көріспейміз" деп аталады", - дейді Фьюри.