Жартылай орта салмақта бұрынғы әлем чемпионы Рикки Хаттонның басы дауға қалды, - деп хабарлайды Daily Mail.
Испанияның Тенерифе аралындағы демалыс кезінде британиялық сауық кешін ұйымдастырған. Ішімдікті көп алып қойған Хаттон ерсілеу қылық көрсеттіп, ақыры жерге құлады. Боксшының әлеуметтік желідегі жанкүйерлері оның денсаулығына алаңдаушылық білдірді, алайда, қазір оның жағдайы жақсы.
Бір кездері Хаттон ішкілік және есірткіге тәуелділікпен күрескен. Сонымен бірге, 2007 жылы америкалық Флойд Мейвезерден нокаутпен жеңілгеннен кейін өзіне қол салуды да ойлағанын мойындаған болатын.
Қазір 40 жастағы Хаттон промоутер әрі бапкер. 2017 жылы оның бірінші чемпионы Жанат Жақиянов болды. Қазақстандық боксшы жеңіл салмақта WBA (Super) және IBO титулдарын иеленген. 2018 жылы Жақиянов карьерасын аяқтады да, Петропавлдағы спорт мектебінің директоры болды.