Ауыр салмақта WBA, WBO және IBF чемпионы Александр Усик британиялық Энтони Джошуамен жекпе-жегінің трансляциясын сатып алды. Боксшы қарымта айқасты Украинада тегін көрсетпек.
"Бұл Александр Усиктің сыйлығы, ол өз ақшасына трансляциялау құқын алды да, барша украин халқы қаласа оның жекпе-жегін тегін тамашалай алатындай етті", - дейді боксшының промоутері Александр Красюк.
Еске салайық, Усик - Джошуа айқасы 20 тамыз Сауд Арабиясында Matchroom өткізетін бокс кешінің басты жекпе-жегі болады.