Төрт салмақ дәрежесінде әлем чемпионы болған Мигель Анхель Майки Гарсия (40-2, 30 KO) мансабын аяқтағанын мәлімдеді.
Америкалық мәлімдемесін жай ғана әлеуметтік желідегі парақшасының статусын жаңартып-ақ жасай салды. Ол өзі туралы: "Майки Гарсия, қоғам қайраткері. 126, 130, 135, 140 фунтта әлем чемпионы болған боксшы", - деді.
Майки Гарсия 34 жаста. Ол кәсіпқой бокстағы карьерасын 2006 жылы бастады. 2013 жылдың қаңтарында ол бірінші мәрте чемпион болды. Боксшы Орландо Салидоны жеңіп, екінші жеңіл салмақта (57,2 келі) WBO белбеуінің иегері атанды. Кейін ол екінші жеңіл, жеңіл және бірінші орта салмақта әлем чемпионы атағына қол жеткізді.
Гарсия соңғы кездесуін 2021 жылдың қазанында өткізіп, төрешілердің шешімі бойынша аты шықпаған испаниялық Сандор Мартиннен (40-2, 13 KO) жеңілді.