"Өлтіріп тастау". Головкин жекпе-жек кезінде не сезінетінін ашып айтты

Қазақстандық кәсіпқой боксшы Геннадий Головкин (39-1-1, 35 KO) украиналық Сергей Деревянченкомен (13-1, 10 KO) жекпе-жек алдында Dan Patrick Show ток-шоуында болып, көптеген сұрақтарға жауап берді. Vesti.kz осылардың ішіндегі ең қызықты дегендерін ұсынады. 

- Қазір GGG уақыты. Сондай қауіпті, салмақты, мүлде басқа. Бұл жұмысың және бизнес екенін түсінесің. Бір соққы жекпе-жекті ғана емес, өміріңді өзгертуі мүмкін. Мен үшін тайминг, тәннің тілі маңызды. Егер қарсыласым дайын емесін көрсем, оны "өлітірп тастағым" және "жеп" қойғым келеді. Жыртқыш іспеттес.

- Мінсіз соққы қандай?
- Сол жақ хук болар.

- Ал қарсыласыңа осы мінсіз соққы тигенде не сезінесіз?
- Кейде, бір оқ атқандай. Бум! Сосын, иә, мен мұны істедім! (күледі) Бірақ әр кезде әр қалай.

- Қарсыласыңызды аяп көргенсіз ба?
- Кейде. Жекпе-жектен кейін болып тұрады. Жағдайы нашар екенін түсінемін.

- TripleG деп атаған ұнай ма?
- Әрине.

- Естуімше, сіздің атыңызды дұрыс айта алмағандықтан БАҚ осылай атап кеткен.
- Қазір жекпе-жек аптасы, осындай кезде GGG аты ұнайды. Ал үйге келгенде мен бірден Геннадиймін. Мүлде басқа адам.