"Өлігімді шығару керек еді!". 41 нокауты бар боксшы рингте өліп кетуге дайын болғанын айтады
Супер ауыр салмақта бұрынғы әлем чемпионы Деонтей Уайлдер (42-1-1, 41 КО) британиялық Тайсон Фьюримен (30-0-1, 21 КО) жетінші раундта ригке ақ орамал лақтырған бапкерлерінің бірі Марк Бриландты сынға алды.
"Берілгеннен өлгенім артық. Марк мұны біледі. Менің мұндайға қалай қарайтынымды білетін!
Мұндай көптеген жылдар бойы айтылып келеді. Ешқандай жағдайда рингке ақ орамал лақтырмау керек деп айтқанмын. Қандай күйде болғаныма қарамастан алдымда әлі бес раунд бар еді және мен өз аяғымда тұрдым.
Маған жақсылық ойлағанымен, бұл менің карьерам, менің өмірім. Мен жауынгермін. Қарсыласымды жоқ қылуға дайынмын және өзімде де қатысты осындайды қабылдаймын. Рингтен өлігімді шығару керек еді.
Ары қарай Маркпен жұмыс істеймін бе білмеймін. Африкадан келген соң командамен отырып шешеміз. Не болса да, оны жақсы көреміз. Ол о бастан бірге болды", - дейді Уайлдер Yahoo Sports порталына берген сұхбатында.