Қазақстандық боксшы Қанат Ислам (27-0, 21 КО) әлемдегі ең мықты боксшылар қатарына кіре алмайды.
Vesti.kz тілшісіне берген сұхбатында америкалық WorldBoxingNews сайтының редакторы Фил Джей осындай пікір білдірді.
"Қанат Ислам қазір 36 жаста. Бір жыл бойы жұдырықтаспады, ал Уолтермен кейінгі жекпе-жегінде онша жақсы көрінбеді. Одан не күтесіздер? Меніңше, оның болашағы өте зор еді, бірақ, элитаға шығу мүмкіндігін жіберіп алды. Оған жарақаттар немесе басқа жағдайлар бөгет болды ма, ол жағын білмеймін. Айтайын дегенім, ол уақытын еркін жұмсайтындай жас емес.
Бірнеше тамаша жекпе-жек көрсетеріне күмәнім жоқ, алайда, ұлы атана алмас. Ол мықты және болашағы зор болған боксшы ретінде есте қалады", - дейді Джей.