Британдық маман Бен Смит орта салмақта өнер көрсететін отандасымыз Қанат Исламның (28-0, 22 КО) бір жылдың үзілістен кейін өткізетін кездесуіне байланысты пікір білдірді. Vesti.kz тілшісіне берген сұқбатында ол қазақстандық боксшының британдық Джимми Келлиге (25-2, 10 КО) қарсы мүмкіндігі қандай екенін атап өтті.
Бұл кездесу 21 қаңтар күні Плант-Сити (Флорида штаты, АҚШ) қаласында өтеді. Айқас он раундқа жоспарланған.
"Бұл кездесудің АҚШ жерінде өтетіні таңғалдырды. Себебі Келли тек Ұлыбританияда жұдырықтасатын боксшы еді. Ол карьерасында бір рет ғана шет елде жұдырықтасты. Аустралия жерінде Деннис Хоганға қарсы. Бірақ ол кезде чемпиондық белбеу сарапқа салынған болатын. Менің ойымша, бұл кездесу өтпейді. Соңғы сәтте Исламға басқа қарсылас табатын шығар. Өйткені Келли үшін онымен жұдырықтасу маңызды емес. Қанат Ислам өз карьерасының мықты кезін артта қалдырды. Ары кетсе екі кездесуден кейін ол карьерасын аяқтайды деп ойлаймын", - деді Смит.
29 жастағы Келли соңғы кездесуін 12 желтоқсан күні өткізіп, отандасы Гарри Мэттьюсті (16-50-3, 2 КО) үшінші раундта нокаутпен жеңді. Орайы түскенде айта кетейік, британдық боксшы 2015 жылы бірінші орта салмақта WBO белбеуі үшін Лиам Смитпен (30-3-1, 17 КО) жұдырықтасып, жеңіліп қалды.
Ал Ислам болса соңғы айқасын 2020 жылдың 20 ақпанында өткізіп, эквадорлық Джейсон Минданы (14-5-1) жеңді.
Канат Ислам же последний раз выходил на ринг в феврале прошлого года в Майами, нокаутировав эквадорца Джейсона Минду (14-4-1, 8 КО) в седьмом раунде. Для казахстанца это был первый бой с 2019-го.