Бірінші орта салмақта өнер көрсететін қазақстандық боксшы Садриддин Ахмедов (12-0, 10 КО) келесі жекпе-жегі алдында мәлімдеме жасады, деп жазады Vesti.kz тілшісі.
Өткен жылдың қаңтарынан бері шаршы алаңға шықпаған Ахмедов келесі кездесуін желтоқсан айында өткізеді. Бұл кездесу Алматы қаласында өтеді. Бірақ нақты қай күні екені белгісіз.
"Шаршы алаңға шығып, біреудің басынан төбелеп тұрып ұруға дайындалып жатырмыз", - деп жазды боксшы Instagram парақшасында.
Осыған дейін Ахмедовтің өзі шаршы алаңға визаның қиындығына және жарақатына байланысты шықпағанын айтқан еді. Ол өзінің кейінгі жекпе-жегінде NABF, WBC Francophone және WBA Continental белбеулерін жеңіп алды.