Қазақ нокаутшы Батыр Жүкембаев WBC рейтингінің үздік ондығынан шығып қалды
Сурет: Eye of the Tiger Management
Қазақстандық кәсіпқой боксшы Батыр Жүкембаев (18-0, 14 КО) Бүкіләлемдік бокс кеңесінің (WBC) рейтингінде төмендеп кетті, - деп хабарлайды Vesti.kz.
Бірінші жартылай орта салмақтың жаңартылған тізімінде қазақ боксшы алғашқы ондықтан шығып қалды. Қазір Жүкембаев бір саты төмен сырғып, 11-ші тұр.
Сонымен қатар, өзге қазақстандық боксшы Виктор Коточигов орнын жоғалтты. Жеңіл салмақта 11-ші болған боксшы бір саты төмендеп, 12-ші орынға тұрақтады.