"Канелоға" төртінші дивизионды бағындырғанша Головкинмен трилогияны аяқтау ұсынылды

Жартылай ауыр салмақта WBO чемпионы Сергей Ковалевтің бұрынғы бапкері Джон Дэвид Джексон мексикалық Сауль "Канело" Альвареске ресейлікпен әзірге жұдырықтаспаған жөн деп есептейді.

Маманның сөзінше, "Канелоның" әлі орта және екінші орта салмақта бітпеген істері көп. Сондықтан бір ғана жекпе-жек үшін жартылай ауыр дивизионға аусудың қажеті жоқ. 

"Канелоға" бірден Ковалевпен жұдырықтасу қауіпті демес едім. Бірақ біріншіден, ол екінші орта салмақты жүріп өткен жоқ. Ал мұнда бәрін жеңбесең жоғары шығудың қажеті қанша?

Сергей жартылай ауыр салмақтағы чемпиондардың мықтысы. Бетербиев - күшті, дегенмен, оның жағы сұрақтар тудырады. "Канелоға" жартылай ауыр салмақты қоя тұру керек деген ойдамын. Орта және екінші орта дививзиондағы істеріңді аяқтап ал, сосын 175 фунтқа көтеріл. Өйткені үлкен жігіттердің соққысы ауыр. Алыстан бұл тамаша көрінеді, алайда, ринг ішінде әңгіме басқа. Орта салмақта Чарло бар, екінші орта дивизионда да жақсы жігіттер көп. Геннадий Головкинмен трилогияны ұйымдастыруға болады", - дейді бапкер. 

Еске салайық, DAZN стриминг қызметі Альварестің қыркүйектегі жекпе-жегіне Ковалев пен Головкинді де мақұлдаған. Алайда мекисклаық GGG-мен үшінші рет жұдырықтасудан бас тартты, ал Ковалевпен келіссіөздер тығырыққа тірелгендерингке оралуын мүлде шегеріп тастады. 


Айта кетейік, Альварес - бірінші орта салмақта бұрынғы әлем чемпионы, ал қазіргі таңда орта және екінші орта салмақта чемпиондық титулдарға ие.