Қанат Ислам мен Уолтер Каутондоква қарымта жекпе-жек бойынша келіссөз бастады
Намибиялық боксшы Уолтер Каутондокваның (18-2, 17 КО) промоутері Нестор Тобиас Vesti.kz тілшісіне берген сұхбатында Қанат Исламмен (27-0, 21 КО) қарымта жекпе-жек бойынша келіссөздер жүргізіп жатқанын айтты.
"Исламның промоутерімен сөйлескенмін. Олар қарымта өткізуге қарсы емес. Ал біз Қазақстанға кез келген уақытта оралуға дайынбыз. Бұл қазақстандықтар қазір көргісі келетін жалғыз жекпе-жек екеніне сенімдімін. Екінші жекпе-жекке демеушілерді тартылып, көбірек билет сатылады. Бұл екі боксшыға да ұтымды. Жекпе-жекті келесі жыл басында өткізгеніміз тамаша болады деп есептеймін", - дейді Тобиас.