"Қан төгілетін айқас керек". Бапкер Головкиннің "Канеломен" арадағы текетірес жайлы
Бұрынғы әлем чемпионы Геннадий Головкиннің (39-1-1, 35 КО) бапкері Джонатан Бэнкс қазақстандық боксшы мен мексикалық Сауль "Канело" Альварес(52-1-2, 35 КО) арасындағы жағдайға қатысты ойын айтты.
"Альварес туралы ойламаймын да, өйткені ол жұдырықтасқысы келмейді. Егер "Канело" келісіп, барлық құжатқа қойса, біз әлбетте келісеміз.
Олардың қарымтасы Уорд - Гатти жекпе-жегіне ұқсамады. Ол қан төгілген нағыз айқас еді. Қарымтада мұндай ештеңе болмады. Жекпе-жек физикалықтан гөрі, менталды тұрғыдан көбірек титықтатты. Өйткені Геннадий жеңгенін сезгенімен, төрешілердің оң шешімімн алмады", - деп келтіреді маманның сөзін Boxingnews24.com.