"Иә, аты шыққан..."Әлем чемпионы "Канелодан" нокаутпен жеңілген Сергей Ковалевпен жекпе-жектен бас тартты
Жартылай ауыр салмақта WBA Super чемпионы ресейлік Дмитрий Бивол (17-0, 11 КО) отандасы Сергей Ковалевпен (34-4-1, 29 КО) жекпе-жек өткізуге ынтасы жоғын айтады.
"Ковалевпен жұдырықтасып қайтемін? Иә, аты шыққан, біздің жекпе-жегіміз бұрын талқыланған. Бірақ Сергей Ковалев жақында жеңілді. Жеңсем де бұл жекпе-жек маған оң эмоция бермес. Қазір бұл айқас мені қанағаттандырмайды", - деп береді боксшының сөзін РИА Новости.
Еске салайық, кейінгі кездесуінде Бивол доминикандық Ленин Кастильоны жеңді, ал Ковалев мексикалық Сауль Альварестен жеңіліп, WBO титулынан айырылып қалды.