Головкин жекпе-жегінің нақты күні белгілі болды
Сурет: Vesti.kz, Тұрар Қазанғапов©
Орта салмақта IBF және IBO чемпионы қазақстандық Геннадий Головкин (40-1-1, 35 КО) келесі жекпе-жегін 2020 жылы наурызда өткізеді. Бұл туралы GGG-дің ісін Том Леффлермен қоса жүргізіп келе жатқан Matchroom Boxing промоутерлік компаниясының басшысы Эдди Хирн мәлімдеді.
Оның сөзінше, Головкиннің келесі қарсыласы польшалық Камил Шеремета (21-0, 5 КО) болып қала бермек. Боксшылардың жекпе-жегіне Халықаралық бокс федерациясы (IBF) санкция берген.
"Головкин наурызда Шереметамен жұдырықтасуының ықтималдығы жоғары, нақты айтқанда айдың 28-ші жұлдызында", - деп келтіреді Хирннің сөзін Bokser.org.