Орта салмақта IBF және IBO чемпионы қазақстандық Геннадий Головкин (40-1-1, 35 КО) полицияның ұстауы кезінде болған қара нәсілді Джордж Флойдтың өліміне байланысты АҚШ-та болып жатқан ереуіл мен жаппай тәртіпсіздіктерге қатысты пікірін білдірді.
GGG өзінің Instagram желісіне қара квадрат қойыпты. Осылайша, Головкин Blackout tuesday флэшмобына қосылатынын білдірген. Оның мәнісі сейсенбі күні (2 маусым АҚШ-та) адамдар әлеуметтік желілерде көңіл көтеретін ештеңе жарияламай, Black lives matter ("Қара нәсілділердің өмірі маңызды") қозғалысын қолдайтын жазба қалдыру қажет.