Финалға бір қадам. Қазақстан құрамасында алты бірдей боксшы халықаралық турнир жүлдесіне ілікті

Иштван Бочкаиді еске алуға арналған Дербенцте (Венгрия) өтіп жатқан халықаралық турнирде Қазақстан құрамасының алты боксшысы жүлдеге ілінді, - деп хабарлайды Vesti.kz.

Осылайша, ширек финалда Қазақстан командасында жарыстан ешкім шығып қалған жоқ. Айта кетейік, Венгряиға бапкерлер штабы ұлттық құрамадағы жас боксшыларды жіберген. Дегенмен спортшыларымыз жүлдеге ілніп қана қоймай, Франция, Испания мен Италияның мықты боксшыларын тізе бүктірді. 

1/4 финал нәтижесі

52 келіге дейін Махмуд Сабырхан - Мартин Молина Сальвадор (Испания) - 5:0;

57 келіге дейін Айдос Арапов - Джанлуко Руссо (Италия) - 5:0;

69 келіге дейін Талғат Шәйкен - Джанлуиджи Маланга (Италия) - 4:1;

81 келіге дейін Нұрбек Оралбай - Расул Алиев (Ресей) - 4:1;

91 келіге дейін Айбек Оралбай - Энмануэль Рейес (Испания) - 4:1;

91 келіден аса Дамир Тойбай - Александар Мраович (Аустрия) - 5:0.

Венгрияда өтетін дәстүрлі халықаралық Иштван Бочкай мемориалы 8 ақпанда аяқталады.

Айта кетейік, мұның алдында Қазақстан құрамасынан екі боксшы жарыстан шығып қалды - Санатәлі Төлтаев пен Ермахан Жәкпеков. Ал ұлттық команданың негізгі құрамы наурызда Иорданияда өтетін олимпиадалық іріктеуге дайындалып жатыр.