Украиналық боксшы Василий Ломаченко абсолют чемпион атағы үшін жекпе-жекте америкалық Теофимо Лопестен жеңілгеніне келіспеді, деп хабарлайды "Р-Спорт".
Лас-Вегаста өткен кездесуде Ломаченко төрешілердің бірауыздан шыққан шешімі бойынша Лопеске есе жіберді. 12 раунда қорытындысы бойынша төрешілер 116:112, 119:109, 117:111 есебін көрсетіп, 23 жастағы Лопес әлемнің абсолют чемпионы атанды.
"Жекпе-жек кезінде кездесудің жартысы теңдей өтті деп ойладым. Мүмкін кей жердегі бір-екі раундта ол басым болған шығар, бірақ, кездесудің екінші жартысында мен қосылдым және екінші жартысында басым болдым деп ойлаймын. Үйге келіп, жекпе-жектің жазбасын қайта көргім келеді, төрешілер шешімімен келіспеймін.
Мен жеңдім деп ойладым, алайда, қорытынды ол қорытынды. Ешкіммен дауласқым келмейді. Қазір үйге барамын, менеджеріммен сөйлесемін, сосын шешім қабылдаймыз", - деп береді Ломаченконың сөзін ESPN.