Украиналық боксшы Сергей Деревянченко әлемнің бұрынғы чемпионы Геннадий Головкинмен жекпе-жек алдында қазақстандықтарға алғысын айтты, - деп хабарлайды
Vesti.kz.
Боксшы үндеуін Instagram желісіндегі парақшасында жариялаған.
"Арланс" сапындағы жекпе-жектерімді ұмытпай, әлеуметтік желілерде маған жылы сөздер жазып жатқан қазақтарға алғыс айтқым келеді. Сол уақыттан жақсы естеліктер қалды. Рақмет!", - деп жазды Деревянченко.
Естеріңізге салсақ, Головкин - Деревянченко жекпе-жегі 5 қазанда Нью-Йорктегі Madison Square Garden аренасында өтеді. Боксшылар орта салмақта IBF титулын сарапқа салады.