"Чемпион боламын". Головкиннен нокаутпен жеңілген Роллс келесі жекпе-жегін белгіледі

Канадалық Стив Роллс (19-1, 10 КО) CKSN.ca порталына берген сұхбатында қазақстандық Геннадий Головкиннен (39-1-1, 35 КО) нокаутпен жеңілген соң карьерасын аяқтамайтынын мәлімдеді. 

Жекпе-жек 8 маусым Нью-Йоркте өткен. 35 жастағы Стив Роллс карьерасында бірінші рет жеңілді. Ал қазақстандық үшін бұл DAZN стриминг қызметіндегі алғашқы жекпе-жегі болды.

"Бәрі білетініне көз жеткізгім келеді. Мен аяқтаған жоқпын. Ол кеш тамаша тәжірибе болды, бірақ, бұл соңы емес, басы ғана. Менеджерім қыркүйекте оралуыма бір-екі есімді атады. 2020 жылы чемпион болғым келеді", - дейді Роллс. 

Қыркүйекте Головкин де жекпе-жек өткізгісі келеді. Роллсты жеңген соң қазақстандық рингте тұрып, мексикалық Сауль "Канело" Альваресті жұдырықтасуға шақырған.