"Биікте тұрақтап қалу қиындау". Шетелдік маман Джошуа мен Руис қарымтасында басымдығы бар боксшыны атады

Супер ауыр салмақта IBF, WBO және WBA чемпионы мексикалық Энди Руиспен (33-1, 22 КО) қарымта жекпе-жекте британиялық Энтони Джошуа (22-1, 21 КО) басым болады. Vesti.kz тілшісіне берген сұхбатында бокс әлемінің белгілі маманы Ли Кормли осындай ой айтты. 

Джошуа - Руис қарымтасы 7 желтоқсан Эр-Рияда маңындағы (Сауд Арабиясы) 15 мың адам сиятын Diriyah Arena шаршы алаңында өтеді.

"Бұл Джошуаның карьерасындағы ең ауыр сынақ. Оған күтпеген жеңілісі үшін есесін қайтару керек. Мексикалық Джошуадан асып түсіп, мұнан үлкен жетістіктерге жете алатынын көрсетті. Руис қарсыласын бірінші раундта-ақ есеңгіретіп, одан жылдам болды. Джошуаның қайраттылығы туралы көп айтылады, бірақ, оның қаншалықты рас екенні екінші жекпе-жекте көреміз. Ол қарымтаға ниетті, бастысы психологиялық қысымды жеңу. Боксшылардың мүмкіндіктері теңдей, дегенмен, Джошуаның басымдығы бар. Қателіктер мен сәтсіздіктер бәрінде болады, ал Руиске әлі жұлдызды боксшы екенін дәлелдеу қажет. Биікке шығуға болады, алайда, жығылмай тұрақтап қалу қиындау", - дейді Кормли. 

Энтони Джошуаны тағы да спаррингте қарсыласы есеңгіретті