"Басын жұлып алуға тырысты". Сарапшы Головкин жаттығуларының сырын ашты
Спорт туралы жазатын америкалық белгілі BoxingScene.com порталының сарапшысы Стивен Эдвардс орта салмақта IBF және IBO чемпионы қазақстандық Геннадий Головкин (40-1-1, 35 КО) қалай жаттығатынын айтып берді.
"Головкин спарталық жауынгерлердей жаттығады. Лагерден тыс не істейтінін білмеймін, бірақ, лагерде барын салады, кез келген боксшыдан артық дайындалады. Оның әлемдік деігейдегі төрт-бес спарринг серіктеспен әрқайсымен төрт минуттан аптақ ыстықта 12 раунд жұдырықтасқанын көрдім. Бұған қараудың өзі қиын еді. Оның үстіне әр спарринг серігі оның басын жұлып алуға тырысты. Осыдан кейін ол қалың киініп алып, үстіне салмақ артып алып, грушамен жұмыс істейтін. Оның лагеріндегі боксшылар да GGG өте көп жүгіретінін және ауыр салмақпен дайындалатынын айтқан. Бұл әлбетте тамсандырады", - деп жазыпты автор өз айдарында.