Бапкер Головкин кейінгі қарсыласының ақысын жеді деп мәлімдеді
Орта салмақта жұдырықтасатын украиналық Сергей Деревянченконың (13-2-0, 10 KO) бапкері Андре Розье қазақстандық Геннадий Головкинмен (40-1-1, 35 КО) жекпе-жекте жеңіске жеткендерін айтады, - деп хабарлайды Boxingnews24.com.
"Сергей мен GGG қарымтасын көргім келеді. Меніңше, біз жеңгенбіз, біздің ақымызды жеді. Сергей - өзіме ұнайтын боксшыларымның бірі. Біз осы жеткенімізбен тоқтап қалмаймыз, шыңға өрлей береміз. Бұл жігіт - титулсыз чемпион, бір күндері ол белбеуді мықынына тағар. Ол тамаша жекпе-жектер көрсетіп жүр, ұсыныстар да аза емес. Әр сәттен пайда көруге тырысамыз", - дейді Розье.