"Айда да жұдырықтасуға дайынмын". Еуропа чемпионы Головкинмен жекпе-жек жайлы

Польшалық боксшы Камил Шеремета (21-0, 5 КО) Super Express порталына берген сұхбатында IBF және IBO чемпионы Геннадий Головкинмен (40-1-1, 35 КО) жекпе-жекке қатысты жағдайды баяндады.

- Головкинмен жекпе-жек қашан және қайда өтетіні туралы ақпаратыңыз бар ма?
- Қашан және қайда болатынын білмеймін. Ол Дональд Трамп шекараны қашан ашатынына байланысты. Головкинмен айда да жұдырықтасуға дайынмын. Бастысы бұл жекпе-жектің өтуі. 

- Айда? Қызықты айқас болатын еді.
- Әлем батылдарды сүйеді.

- Головкинмен жекпе-жек шегерілгені сізге пайдалы деп ойлайтын сияқтысыз. Неге?
- Өйткені қателіктерімді жоюға және Головкинді сараптап алуға уақыт көбірек болады.

Мұның алдында GGG бірінші польшалық Камил Шереметамен (21-0, 5 КО) содан кейін ғана "Канеломен" жұдырықтасатынын мәлімдеген болатын. Бұл кездесуде қазақстандық боксшы 2019 жылы 5 қазанда украиналық Сергей Деревянченкомен (13-2, 10 КО) жекпе-жекте жеңіп алған IBF титулын қорғайды.