Ауыр жол апатына түскен әлем чемпионы титулын қорғайды

Жартылай орта салмақта WBC чемпионы америкалық Эррол Спенс титулын өз уақытында қорғай алады, - деп хабарлайды "Чемпионат".

Ұйым басшысы Маурисио Сулейманның сөзінше, боксшы жол апаты кезінде ауыр жарақат алмаған. 

Еске салайық, қазан айында Спенс жол апатына түскен, оның "Феррари" көлігі бірнеше рет аунап түскен.

"Эррол қатарымызда екені ғажайып, дәрігерлер оған жұдырықтасуға рұқсат берді. Ол карьерасына бөгет болатындай ауыр жарақат алмады. Ол не істеу мен не істемеу керектің көз алдымыздағы үлгісі болады.

Уақытша әлем чемпионы титулы үшін жекпе-жек ұйымдастырудың қажеті жоқ. Спенстің командасымен тілдестік, бұл жол апаты оның карьерасын жалғастыруға бөгет емес", - дейді Сулейман.