Қазақстандық боксшы Қанат Исламның (28-0, 22 КО) кәсіпқойдағы келесі жекпе-жегінің уақыты белгілі болды, деп хабарлайды Vesti.kz.
BoxRec мәліметінше, Қанат рингке 21 қаңтарда шығады. АҚШ-тың Плант-Сити қаласында өтетін жекпе-жек он раундқа жоспарланған. Алайда қарсыластың есімі әлі аталған жоқ.
Кейінгі рет қазақ боксшы Майамиде жұдырықтасып, эквадорлық Джейсон Минданы (14-4-1, 8 КО) жетінші раундта нокаутқа түсірген.