Sports Illustrated журналисті және DAZN платформасының жүргізушісі Крис Мэнникс мексикалық Сауль "Канело" Альварес (53-1-2, 36 КО) пен қазақстандық Геннадий Головкиннің (40-1-1, 35 КО) үшінші жекпе-жегіне қатысты ақпаратпен бөлісті.
Мұның алдында Альварес келесі жекпе-жегін жапониялық Риота Муратамен (16-2, 13 КО) өткізетіні
белгілі болды.
Мэнникстің сөзінше, DAZN "Канело" мен Головкин трилогиясы үшін мексикалыққа осындай жеңілдік жасады.
"DAZN қызметінің Жапониядағы "Канело" - Мурата жекпе-жегіне келісуі, Альварес - Головкин трилогиясына қол жеткізу амалы. DAZN бұл кездесуді күтіп отыр. Сондықтан "Канелоға" керегін берсе, ол да DAZN-ге керегін береді", - деп жазыпты инсайдер.
"Канело" - GGG жекпе-жегі "қыркүйекте өтеді, әйтпесе мүлде болмайды" жағдайында. Головкин келесі кездесуінде өзін тамаша көрсетуі қажет. Егер "Канело" онымен күзде жұдырықтаспаса, онда жекпе-жек ешқашан өтпейтін шығар", - деп жазыпты Мэнникс.