Golden Boy Promotions басышысы Оскар Де Ла Хойя орта салмақтағы WBA Super, IBF және IBO белбеулерінің иегері қазақстандық Геннадий Головкинге (42-2-1, 37 КО) әлемнің бұрынғы чемпионы мексикалық Хайме Мунгияны (40-0, 32 КО) қарсылас ретінде ұсынды, деп жазады Vesti.kz тілшісі.
"Мунгия Головкинге мықты қарсылас болады деп ойлаймын. Бұл жекпе-жек жанкүйерлердің де назарын аудара алады. Не боларын көрейік. Себебі, Головкин де, Мунгия да DAZN сервисімен жұмыс істейді. Сол үшін жекпе-жекті ұйымдастыру оңай болуы керек. Бұл менің Головкинге ұсынып отырған нұсқаларымның бірі. Бірақ, бізде басқа да ұсыныстар бар", - деді Де Ла Хойя америкалық БАҚ өкілдеріне берген сұқбатында.
Айта кетейік, осыған дейін Мунгияның бас бапкері Эрик Моралес те мексикалықтың келесі жылы Головкинмен кездесу өткізуге дайын екенін мәлімдеген болатын.