Орта салмақта өнер көрсететін қазақстандық боксшы Жәнібек Әлімханұлы (11-0, 7 КО) Бүкіләлемдік бокс ұйымының "уақытша" чемпионы үшін өтетін кездесуде қарсыласының ауысуына байланысты пікір білдірді, деп жазады Vesti.kz тілшісі.
Бұған дейін WBO ұйымы Хайме Мунгияның (39-0, 31 КО) орнына қазақстандық боксшымен кездесуге WBO Europe белбеуінің иегері Дэнни Дигнум (14-0-1, 8 КО) болатынын мәлімдеді.
"Андраде, Фалкао сияқты мексикалық Мунгия да бізбен жекпе-жек өткізбейтін болды! Ресми хабарды оқыдыңыздар. Бүгін WBO басқа қарсылас ұсыныпты. Жекпе-жекке келісуге 10 күн уақыт беріпті. Қалай аяқталатынын күтейік. Он күннің үшеуін көріп тастадық. Тағы бір он күнді көрейік? Біз кез-келген қарсыласқа дайынбыз! Бізге белбеу керек! Басқа ештеңе қызық емес!", - деп жазды Әлімханұлы әлеуметтік желісіндегі парақшасында.