"Сондрес туралы ешқандай әңгіме болмады. Олар "Канеломен" екінші кездесуді өткізуге ниетті". Тілші Головкиннің жоспарымен бөлісті

©:boxingscene.com

Ағылшындық TalkSport.com спорт сайтының редакторы Майкл Бенсон өзінің твиттер парақшасында орта салмақтағы WBA Super, WBC, IBF және IBO тұжырымы бойынша әлем чемпионы қазақстандық Геннадий Головкиннің командасының басты жоспары - мексикалық Сауль "Канело" Альвареспен екінші кездесу ұйымдастыру екенін жазды, деп хабарлайды Vesti.kz порталы.

"Леффлердің әңгімесін тыңдағаннан соң, олардың басты мақсаты "Канеломен" екінші кездесу ұйымдастыру басты жоспарда екенін анық болды. Олар Сондрес немесе басқа боксшылар туралы мүлде айтпады. Басты мақсат - "Канеломен" кездесу", - деп жазды Бенсон.

From listening to Tom Loeffler, one thing is very clear: Their priority is to make the Canelo rematch again. No mention of Saunders or anyone else. They still want Canelo.
— Michael Benson (@MichaelBensonn) 8 апреля 2018 г.

Еске салайық, 5-мамыр күні Головкин мексикалық Сауль "Канело" Альвареске қарсы кездесу өткізу керек еді. Бірақ 3-сәуірден 4-сәуірге ауысқан түні мексикалық боксшы Сауль "Канело" Альварестің (49-1-2, 34 КО) жекпе-жектерін ұйымдастыратын Golden Boy Promotions компаниясы арнайы баспасөз жиынын ұйымдастырды. Онда "Канелоның" орта салмақтағы WBA Super, WBC, IBF және IBO тұжырымдары бойынша әлем чемпионы Геннадий Головкинмен (37-0-1, 33 КО) 5-мамыр күніне Лас-Вегаста жоспарланған екінші кездесудің өтпейтіні белгілі болды.

Головкиннің промоутері 5 мамырға қалай қарсылас іздеп жатқанын айтып берді

Бұл баспасөз жиынын соң Головкин де өз пікірін айтып, қандай жағдай болмасын 5-мамыр күні шаршы алаңға шығатынын айтты.

Қазіргі уақытта отандасымызбен кездесу өткізуге бірнеше боксшы дайын екенін айтты. Олардың қатарында америкалық боксшылар Джермалл Чарло, Деметриус Андраде, украиналық Сергей Деревянченко, ирландиялық Гэри О'Салливан, бразилиялық Ямагучи Фалькао, екінші орта салмақтағы WBO чемпионы Хильберто Рамирес және кіші Хулио Сезар Чавес бар.

Сондай-ақ "Канело" жекпе-жектен бас тартқаннан соң Сондерс те Головкинді жекпе-жекке шақырды. Ол қазақстандық боксшыны барлық белбеу үшін жекпе-жек өткізуді ұсынды.

Эрисланди Лараны жеңген америкалық боксшы Головкинмен кездесуге дайын екенін айтты

Головкинмен кездесуге ережесіз жекпе-жек өкілі де дайын екен. Нақтырақ айтатын болсақ, отандасымызды UFC болашақ жұлдызы Брайан Ортега айқасқа шақырды.

Әлеуметтік желілерде бөлісу