WBC президенті "Канело" және басқа да кленбутерол дәруменімен ұсталған мексикалық боксшылардың жазасы әртүрлі болғанын түсіндірді

Бүкіләлемдік бокс кеңеснің (WBC) президенті Маурисио Сулейман неге бұған дейін ағзасынан кленбутерол дәрумен табылған боксшыларға жекпе-жек өткізуге рұқсат берген, ал "Канелоны" кездесу өткізуге рұқсат бермегенін түсіндіріп берді, деп хабарлайды vRINGe.com порталы. 

Айта кетейік, бұған дейін Луис Нери, Эрик Моралес және Франсиско Варгас секілді боксшылардың қанынан кленбутерол препаратының іздері табылған. Бірақ олардың барлығы да белгіленген жекпе-жектерін өткізген. 

"Заңның әр-түрлі болуы байланысты. Невада штатының Атлетикалық комиссиясы Альвареске жекпе-жек өткізуге де, оны шеттетуге де құқығы болды. Өкінішке қарай, жекпе-жек өтпейді. Ал "Канело" болса өзінің таза екенін дәлелдеуі керек. Нәтижені күтейік. Қазір бұл туралы ештеңе айтудың қажеті жоқ", - деді Сулейман. 

Еске салайық, 3-сәуірден 4-сәуірге ауысқан түні мексикалық боксшы Сауль "Канело" Альварестің (49-1-2, 34 КО) жекпе-жектерін ұйымдастыратын Golden Boy Promotions компаниясы арнайы баспасөз жиынын ұйымдастырды. Онда "Канелоның" орта салмақтағы WBA Super, WBC, IBF және IBO тұжырымдары бойынша әлем чемпионы Геннадий Головкинмен (37-0-1, 33 КО) 5-мамыр күніне Лас-Вегаста жоспарланған екінші кездесудің өтпейтіні белгілі болды.

WBC Головкинге келесі кездесуінде белбеуін қорғауға және ұйымның арнайы жасалған белбеуіне таласуға рұқсат берді

Бұл баспасөз жиынын соң Головкин де өз пікірін айтып, қандай жағдай болмасын 5-мамыр күні шаршы алаңға шығатынын айтты.

Қазіргі уақытта отандасымызбен кездесу өткізуге бірнеше боксшы дайын екенін айтты. Олардың қатарында америкалық боксшылар Джермалл Чарло, Деметриус Андраде, украиналық Сергей Деревянченко, ирландиялық Гэри О'Салливан, бразилиялық Ямагучи Фалькао, екінші орта салмақтағы WBO чемпионы Хильберто Рамирес және кіші Хулио Сезар Чавес бар.

Сондай-ақ "Канело" жекпе-жектен бас тартқаннан соң Сондерс те Головкинді жекпе-жекке шақырды. Ол қазақстандық боксшыны барлық белбеу үшін жекпе-жек өткізуді ұсынды.

17 және 20 ақпан күндері Альварестің Мексикада тапсырған допинг-сынамасынан кленбутерол дәрумені табылды. Мексикалық боксшының командасы бұл дәруменнің бұзылған ет арқылы түскенін айтып ақталуда.

WBC президенті тағы да "Канелоны" қорғаштады

Наурыз айында Альварес жаттығу лагерін Сан-Диегоға (АҚШ, Калифорния штаты) ауысытып, тағы үш допинг сынақ тапсырды. Олардың барлығы таза шықты. Бірақ Невада штатының Атлеттер комиссиясы (NSAC) уақытша оны жекпе-жектерден шеттетті. Альварестің ісіне байланысты тыңдалып енді 18-сәуір күні өтеді. Егер боксшының кінәсі анықталса, ол бір жылға дейін шеттетілуі мүмкін.

4-сәуір күні Golden Boy промоутерлік компаниясының президенті Эрик Гомес Альварес пен Головкин арасындағы екінші кездесу бәрібір де 2018 жылы өтетініне үмітті екенін айтты.

Кім лайықты? 5-мамырда Головкинге қарсы жекпе-жек өткізе алатын боксшылардың бестігі

TMZ Sports порталының мәліметі бойынша, Головкин "Канеломен" кездесуді кейін өткізуге дайын екен. Екі команданың боксшылары енді жекпе-жек туралы мәселені 2018 жылдың күзінде ақылдасады.

Головкин мен Альварес арасындағы бірінші кездесу 16-қыркүйек күні Лас-Вегастағы T-Mobile спорт кешенінде өтіп, тең аяқталған болатын. Бірақ бұл нәтижеге көптеген бокс жанкүйерлері мен мамандары қарсы болған еді.