Қазақстандық регбиші қыздар Азия біріншілігінің қола жүлдесін жеңіп алды

Дубайда (БАӘ) регби 7х7 бойынша 17 жасқа дейінгі бұрымды қыздар арасында Asia Rugby U17 Girls Sevens 2017 деп аталатын Азия біріншілігі мәресіне жетті.

Бұл біріншілікке 12 команда қатысты. Тарқатып айтсақ, БАӘ, Жапония, Үндістан, Иран, Шри-Ланко, Гонконг, Қытай, Тайланд, Филиппин, Лаос, Малайзия және Қазақстан құрамалары.

Қазақстан құрамасының ойыншыларының барлығын Алматы облысы Талдықорған қаласындағы №1 Жастар мен жасөспірімдерге арналған арнайы олимпиадалық мектебінің түлектерінен құрылды (директор Владимир Дроздов).

Ұлттық құрама сапында Екатерина Каменкова (команда капитаны), Влада Однолеток, Ольга Носовская, Виктория Михайленко, Василиса Якимчук, Русалина Федорова, Анастасия Червякова, Наргиза Бекежанова, Жанэля Нурсиланова, Карина Штырова, Вера Бойченко, Мария Коршикова секілді регбишілер ойнады.

Бапкерлер де түгелімен талдықорғандық мамандар болды. Олар - Динара Омарбаев (команданың негізгі бапкері), Махаббат Туғамбекова, Ольга Ким және Олеся Теряева (бапкерлер).

Азия біріншілігіні финалдық кезеңінде біздің бұрымдылар Иран құрамасымен кездесіп, 39:0 есебімен жеңіске жетті. Екінші кездесуді БАӘ ойнап, 46:0 есебімен үстем түсті.

Екінші ойын күнінде, яғни ширек финалда біздің қыздар Таиланд құрамасымен кездескен еді. Тартысқа толы өткен кездесуде біздің құрама 14:2 есемен жеңді.

Жартылай финалда Жапония құрамасымен кездесіп, 5:22 есебімен жеңіліс тапты. Осылайша Қазақстан құрамасы үшінші орынға таласуға мүмкіндік алды. Бұл ойында қыздарымыз Үндістан құрамасымен кездесіп, 24:5 есебімен жеңіп, Азия чемпионатының қола жүлдегері атанды.

Әлеуметтік желілерде бөлісу