Қарағандыда кеншілер көтеріліске шықты. Түнгі кезектен соң кеншілер жоғарыға шықпай, жалақыны көтеріп, жұмыс жағдайын жақсартуды талап етті.
Қазақстандық боксшы Серік Сәпиев қарағандылық кеншілерге қолдау көрсетті.
«Менің әкем кенші. Бұл жұмыстың қандай қиын екенін бір адамдай білемін. Сондықтан, қашан да кеншілерді жақтаймын. Жұмыс жанжалдарын реттеуден көрі, ескерту жасау оңай. Кеншілердің көтеріліске шығуы еліміздің барлық тұрғындарын алаңдатып отыр. Бұл жағдай негізгі мерекеміз Тәуелсіздік күні қарсаңында болғаны өкінішті. Демек, бұған дейін оларға құлақ аспаған. Яғни, бұл Лакшми Миттал мырзаның Қазақстанға келуге себебі болып тұр. Мұның мемлекеттік емес, шетелдік инвестордың компания екенін ескерген жөн», - деді Сәпиев әлеуметтік желідегі жазбасында.
Жарнама