Тамаша жағдай. Қазақстанда мұндай боларын ойламаппын да - "Қайраттың" жаңа легионері

Сербиялық қорғаушы Раде Дугалич "Қайратқа" ауысу жайлы пікір білдіріп, алматылық клубтағы жағдайға таңданысын білдірді, - деп хабарлайды Sport24.

"Бәрі жақсы. База тамаша, әлемде мұндай төртеу ғана бар дейді, соның ішінде, Дортмунд пен Краснодарда. Мұнда жағдай сондай жақсы, Қазақстанда мұндай болады деп ойламаппын да. Үлкен база, жақсы қала, стадион да, жанкүйрелер көп.

Алғашқы әсер өте керемет. Барлығы мұнда Аршавин ойнағанын айтады, базада оның суреттері көп екен", - дейді Дугалич.

Сонымен қатар, футболшы Ресей премьер-лигасындағы "Енисейден" кетудегі түсініксіз жағдайларды айтып берді.

"Не болғанын өзім түсінбедім. Мен демалыста болдым, әйеліммен шетелде жүрдім. Маған клуб президенті қоңырау шалып, бапкер, басшылық және басқалары мені команданың негізгі құрамында көргісі келмейтінін және менің басқа клуб іздей беруіме болатынын айтты", - дейді футболшы.

Еске салайық, Дугалич "Қайраттың" осы маусым аралығындағы алғашқы шетелдік ойыншысы. Соңғы жарты жыл ол Ресей премьер-лигасындағы "Енисей" мен "Тосно" үшін ойнаған. Красноярлық клуб сапында ол 14 матчте бір гол салды, ал "Тосно" сапында Кубок иегері атанды.

Әлеуметтік желілерде бөлісу