"Футбол ерекше өнер, сондықтан хоккей ойнай тұрайын" - Ресей президенті

Футболдан әлем чемпионатының ақтық матчінен кейін Ресей президенті Владимир Путин журналистер сұрақтарына жауап берді, - деп хабарлайды Vesti.kz.

Сұрақтардың біріне жауап бере отырып, Путин футболмен айналысуға ниетті еместігін айтты. Сұрақтар мен жауаптар РФ президентінің ресми сайтында жарияланды.

- Владимир Владимирович, сіз хоккейді жиі ойнайсыз. Чемпионаттан кейін футболға ынтаңыз ашылмады ма?

- Бәріміз доп тепкен шығармыз. Бірақ бұл жеткіліксіз. Футбол неге қатты ұнайды? Біріншіден, мықты командалар ойын көрсетіп, жоғары деңгейде жүргізсе, бұл әрдайым қызық. Мұндайды бәріміз істей алатындай көрінеді. Допты тебе салған жеңіл сияқты.

Бірақ нағыз футбол - бұл әрине ерекше өнер. Әзірге хоккей ойнай тұрайын, осы ойынды меңгерейін. Конькиге тұрып үйрендім, осы бағытта жалғастыра беремін", - дейді Путин.

Айта кетейік, Ресейде өткен 2018 жылғы футболдан әлем чемпионатының финалдық ойнында Франция құрамасы Хорватияны 4:2 есебімен ұтып, өз тарихында екінші рет чемпион болып отыр.

Әлеуметтік желілерде бөлісу