Екі рет күмәнді пенальти берген төреші қамауға алынды

Сербиялық футбол төрешісі Срджан Обрадович ұлттық чемпионаттың 3-шы айналымында екі рет күмәнді пенальти белгілегеннен кейін, қамауға алынды, - деп хабарлайды USA Today.

13 мамырда Суботица қаласының "Спартак" командасы өз алаңында "Раднички" клубын қабылдады. Ойын 2:0 есебімен алаң иелерінің пайдасына шешілді. Обрадович бірнеше рет күмәнді шешім қабылдады: екінші тайм басталғанда арбитр қонақтардың шабуылшысына екі рет сары қағаз көрсетіп, алаңнан қуды. Осыдан кейін ол 13 минут ішінде 11 метрлік айып добын орындау шешімін шығарды. Айып добын орындауда мүлт кетпеген Неманья Николич "Раднички" қақпасына екі гол салды.

Арбитр екі тәулікке қамалды. Обрадовичке футболдағы қызметтік өкілеттігін асыра пайдаланды деген айып тағылды.

"Спартак" осы жеңісінің арқасында 2018/19 маусымындағы еурокубоктық ойындарға қатысуға мүмкіндік алды. Негізінде осы ойынға Милорд Мажич төреші болуы керек еді. Алайда ол 26 мамырда Чемпиондар лигасының финалында төрелік ететінен байланысты, Мажичке демалыс берілген.

Әлеуметтік желілерде бөлісу