Екінші орта, жартылай ауыр және бірінші ауыр салмақта өнер көрсететін америкалық кәсіпқой Дэвид Бенавидес (26-0, 23 КО) өзін мықты еткен қазақстандық Геннадий Головкин (42-2-1, 37 КО) екенін мәлімдеді, деп хабарлайды Vesti.kz.
"Мені шынымен жаңа деңгейге көтерген бір дүние бар. Бірінші Келли Павликпен спарринг. Онымен спарринг және оның қандай чемпион екенін білу маған өте қажет болған мотивация берді, сенім сыйлады. Одан шығып, Головкинмен спаринг өткіздім, GGG-мен жұдырықтасу тозақпен тең. Онымен төрт жыл спарринг өткіздім. Ішімде құбыжық өсіп шықты. Мен сондай бір дүлей күш пен соншалықты IQ-ге қарсы тұра алдым. Бұл өз кезегінде менің IQ-ді өсірді. Головкинді қатты құрметтейтінмін. Оны ұстазымдай көремін. Ол досымдай болды, өз лагерінде жаттығуға рұқсат берді, сондықтан оған алғысым зор. Бұл мені қазіргі кезде мексикалық құбыжыққа айналдырған бетбұрыс болды", - деп береді тегі мексикалық боксшының сөзін Boxing247.com.