"Таңғаларлық формада". Головкиннің бапкер ауыстырғаннан кейінгі өзгерісі көрсетілді
Желіде қазақстандық Геннадий Головкиннің 39-1-1, 35 КО) бұрынғы бапкері Абель Санчеспен қоштасқанға дейінгі және одан кейінгі суретінен жасалған коллаж тарады, - деп хабарлайды Vesti.kz.
Бір фото 2017 жылы мексикалық Сауль "Канело" Альвареспен (52-1-2, 35 КО) жекпе-жек алдындағы суреті, ол кезде Санчеспен жаттыққан. Екінші фото 2019 жылы маусымда канадалық Стив Роллспен жұдырықтасар алдындағы сурет, бұл жолы ол рингке Джонатан Бэнкстің дайындауымен шыққан.
"Төменгі фото - Санчес кезіндегі 2017 жыл, жоғарғысы - Бэнкспен екі ай жаттығудан соң. Таңғаларлық форма, айтарлықтай мығым көрінеді", - делінген коллаж жазбасында.
Айта кетейік, Бэнкспен қоса Головкин командасына тамақтандыру бойынша маман да келген, ол екі салмақта UFC-дің бұрынғы чемпионы ирландиялық Конор МакГрегормен жұмыс жасағанымен белгілі.