"Соңына дейін айқасады, мексикалықтар сияқты". Қазақстандық нокаутшы келесі қарсыласы жайлы

Қазақстандық кәсіпқой боксшы Жаңқош Тұраров (23-0, 16 КО) Vesti.kz тілшісіне берген сұхбатында 6 шілде Қазақстан астанасында өтетін жекпе-жегіне қарсылас таңдауға қатысты пікірін білдірді.

Жартылай орта салмақта жұдырықтасатын 28 жастағы қазақстандық 10 раундты жекпе-жекке 29 жастағы аргентиналық Мауро Годоймен (31-4-1, 16 КО) шығады. Бұл шоудың басты кездесуінде ең жеңіл салмақта WBC чемпионы франциялық Нордин Оубали (15-0, 11 КО) филиппиндік Артур Вильянуэвомен (32-3-1, 18 КО) жұдырықтасады.

- Мықты қарсылас. Жақсы, тәжірибелі, - деп есептейді Тұраров.

- Оны қалай таңдадыңыз? Аргентиналықтар туралы не айта аласыз?
- Мен таңдаған жоқпын, маған тауып берді. Аргентиналықтар турал айтарым: соңына дейін жұдырықтасады, мексикалықтар сияқты.

Айта кетейік, биыл маусымда Тұраров 2017 жылдың қыркүйегінен бері алғаш жұдырықтасып, британиялық Кардиффте ганалық Ричмонд Джарбенганы (29-4-1, 23 КО) техникалық нокаутпен жеңді.