"Мазалап отыр". "Канело" Ковалевтің басты қаупін атады

Орта салмақта WBC (Franchise) және WBA (Super) белбеулеріне ие мексикалық Сауль "Канело" Альварес (52-1-2, 35 КО) жартылай ауыр салмақта WBO чемпионы ресейлік Сергей Ковалевпен (34-3-1, 29 КО) жекпе-жектен не күтетінін айтты, - деп хабарлайды ToFight.ru.

Альварестің сөзінше, ол қарсыластың сол қолынан сескенеді, алайда, өз күшіне сенімді.

"Әрине, Ковалевтің джебі тамаша болатынына дайындалдық. Оның сол қолы шынымен тамаша, дегенмен, біз оған дайынбыз. Иә, оның джебі бізді мазалайды, бірақ, мен өзімді тамаша сезінемін, мен күштімін. Қалауымша жеп, салмақ қуамын, өзімді жақсы сезінемін.

Жаңа салмақта қалай өнер көрсететінмді және өзімді қалай сезінерімді көреміз. Қиын жекпе-жек күтіп тұр, әсіресе басы. "Крашердің" қолы ұзын және қашықтықты жақсы таңдайды. Жақсы қоғалады, сондықтан оңай болмас. Дегенмен мен өзімнің физикалық дайындығыма және бокстағы дағдыма сенемін, осы сенбіде біз тарих жазамыз", - дейді Альварес.