Келесі ұйымның ТОП тізімі. Үш титулы бар жеңілмеген қазақ боксшы IBF рейтінгіне де кірді
© twitter.com/nolimit_boxing
Халықаралық бокс федерациясы (IBF) рейтингін жаңартты, - деп хабарлайды Vesti.kz.
Екінші орта салмақта WBA International, WBO Global және WBC Asia титулдарына ие Айдос Ербосынұлы (13-0, 9 КО) рейтингтің ТОП-15 тізіміне еніп, 13-ші орынға жайғасты.
Орта дивизионда Мейірім Нұрсұлтанов (13-0, 8 КО) сегізінші орында қалды, осы салмақта WBC Continental Americas және WBO Global белбеулеріне ие Жәнібек Әлімханұлы (8-0, 4 КО) 12-ші орынды сақтап қалды. Бұл салмақтағы ұйымның чемпиондық белбеуі Геннадий Головкинде (40-1-1, 35 КО).
Жартылай орта салмақта WBA Inter-Continental, WBO Oriental және IBF Australasian титулдарының иегері Нұрсұлтан Жаңабаев (8-0, 5 КО) та орнын өзгерткен жоқ, боксшы тізімде жетінші.
Бірінші орта салмақта WBA Continental Americas және IBF Inter-Continental титулдарын жеңіп алған Батыр Жүкембаев (18-0, 14 КО) сегізінші орында қалды.
Айта кетейік, Ербосынұлы Бүкіләлемдік бокс қауымдастығының (WBA) рейтингінде екінші орында.