Қазақ боксшысы әлем чемпионатының жүлдесіне ілікті
Қазақстандық боксшы Сәкен Бибосынов Екатеринбургте өтіп жатқан 2019 жылғы әлем чемпионатының жүлдесіне ілікті, - деп хабарлайды Vesti.kz. Бүгін,18 қыркүйек турнирдің ширек финалы басталды.
Қазақстан құрамасынан рингке бірінші болып Бибосынов шықты. 52 келіге дейінгі салмақта ол армениялық Артур Оганесянды төрешілердің бөлек шешімімен жеңіп, жартылай финалға шықты.
1/2 финалға шығу арқылы әлем чемпионатына қатысушы келесі жекпе-жекте жеңілгенімен қола жүлде иеленеді, жеңген жағдайда алтынға таласады.