"Жаттықпайтын қарсыластан жеңілген боксшыдан не күтесің?". WBC чемпионы Энтони Джошуаны мазақ етті
Суперауыр салмақта WBC чемпионы британиялық Тайсон Фьюри (30-0-1, 21 КО) осы дивизионда WBA, WBO және IBF титулдарына ие отандасы Энтони Джошуаны қарсылас ретінде менсінбей отыр.
"Джошуа мүлде қауіпті емес, бұл нақты. Ол ірі болғанымен бос денелі бала сияқты. Энди Руис сабаған адам туралы не деуге болады?
Соңғы мезетте таба салған жігіттен жеңілді. Ол 136 келі тартты, жаттықпаған, бірақ, Энтони Джошуа қарымтада оған ештеңе істей алмады", - деп келтіреді Фьюридің сөзін ESPN.
Еске салайық, Джошуаның промоутері Эдди Хирн Фьюриге белбеулер біріктірілетін титулды жекпе-жек ұсынған.