Геннадий Головкиннің (42-1-1, 37 КО) қазіргі бапкері Джонатан Бэнкс мексикалық Сауль "Канело" Альвареспен (57-2-2, 39 КО) трилогия туралы ойын айтты.
"Біздің күнделікті мақсат - қорғаныспен жұмыс. Мұндай деңгейдегі боксшылардың 90 пайзы шабуыл жасай алады, алайда, қорғаныста да сондай күшті емес. Сондықтан қорғанысты қаншалықты жетілдірсек, соғұрлым жақсы.
Головкинде анық басымдық бар ма? Жоқ. Бастысы - бір ізді, тәртіппен жоспарды ұстану. Геннадий жеңіске құлшынып тұрғанына сенімдімін. Тек шығып, осыны жасау керек. Ойша ол жеңгісі келеді. Бар ойы сол. Алдыңғы екі айқаста жеңе алмаған екенбіз, ендеше іске асатын басқа тәсіл қолдану керек", - деп береді маманның сөзін Boxing247.com.