Орта салмақта әлемнің бұрынғы чемпионы аргентиналық атақты боксшы Серхио Мартинес (54-3-2, 30 КО) келесі айқасын 27 қаңтар Мадридте (Испания) өткізеді, деп хабарлайды Boxingscene.com.
46 жастағы ардагердің қарсыласы британиялық Маколей Макгован (14-2-1, 3 КО). Жекпе-жек он раундқа есептелген.
Бұл Мартинестің рингке оралғаннан кейінгі төртінші жекпе-жегі болады. Мұның алдындағы үшеуін де ол Испанияда өткізіп, жеңіске жеткен.
Айта кетейік, Макгован мұның алдында қазақстандық Тұрсынбай Құлахметке ұпай санымен есе жіберген еді.