Головкин - Роллс жекпе-жегінің апталық бағдарламасы белгілі болды

Қазақстандық Геннадий Головкин (38-1-1, 34 КО) және канадалық Стив Роллс (19-0, 10 КО) арасындағы жекпе-жек апталығының кестесі белгілі болды, - деп хабарлайды Vesti.kz.

Боксшылар Нью-Йоркке келіп, Times Square алаңында көз арбасу рәсімін өткізіп үлгерді. Сонымен қатар, Головкин Madison Square Garden аренасында өткен америкалық Энди Руис (33-1, 23 КО) пен британиялық Энтони Джошуаның (22-1, 21 КО) жекпе-жегін тамашалады.

4 мауысмда Головкин - Роллс бокс кешінің қатысушылары ашық жаттығу өткізеді, келесі күні соңғы баспасөз мәслихаты, ал 7 маусым - салмақ өлшеу. Барылқ шаралар MSG аренасында.

Головкин - Роллс жекпе-жегі 8 маусым Нью-Йорктегі Madison Square Garden аренасында өтетін шоудың басты оқиғасы болады. Астана уақытымен шоу 9 маусымда басталады. Ахмедовпен бірге андеркартта жартылай орта салмақта жұдырықтасатын тағы бір қазақстандық Бахтияр Эюбов (14-0, 12 КО) та рингке шығады.