Украиналық боксшы Сергей Деревянченко (13-4, 10 KO) доминиканалық Карлос Адаместен (20-1, 16 KO) жеңілді, деп хабарлайды Vesti.kz.
Орта салмақтағы (72,6 келі) жекпе-жек Лос-Анджелесте өтті. Он раунд қорытындысы бойынша төрешілер жеңісті Адамеске берді (95-95, 97-93 және 96-94).
Айта кетейік, бұл айқаста Деревянченко фаворит саналған, алайда, Адамес жақсы өнер көрсетті. Деревянченко осы кездесуден кейін Хайме Мунгиямен (38-0, 30 КО) жұдырықтасып, ары қарай чемпиондық белбеуге міндетті қарсылас болмақ еді. Алайда бұл мақсат келмеске кеткендей.
Бұл жекпе-жек үшін Сергей Деревянченко 200 мың доллар, ал доминиканалық боксшы - 50 мың алды.