"Ең дұрыс шешім". Али Ахмедов қайта жаттыға бастады
Сурет: Vesti.kz. © Тұрар Қазанғапов
Екі апта бұрынм ғана Madison Square Garden аренасында жұдырықтасқан қазақстандық боксшы Али Ахмедов (15-0, 11 КО) қайтадан залға оралды, - деп хабарлайды Vesti.kz.
Artorias Boxing Youtube арнасы жариялаған промоутер Том Леффлердің тікелей эфирінде Ахмедов суперорта салмақта өзін жақсы сезінетінін айтады.
"Жақында ғана жекпе-жегім болды. Қазір қайта жаттыға бастадым, жүгіруді. Дүйсенбіде бокс залына барамын. Промоутермен келесі жекпе-жекті анықтап алып, толыққанды жаттығуды бастаймыз. Өзімді тамаша сезінемін.
Осы категория мен үшін әзірге ең жақсысы. Жартылай ауыр салмақта жұдырықтасуға да дайынмын. Бірақ қазіргі кезде мен үшін ең дұрыс шешім суперорта салмақ", - дейді боксшы.
"Али суперорта салмақ үшін өте мықты. Үлкен үміт күтеміз", - деп атап өтті Леффлер.