"Бұл маңызды". Британиялық маман Головкиннің алдағы жекпе-жегінің басты өзгешілігін атады

Британиялық talkSPORT порталының журналисті Майкл Бенсон Vesti.kz тілшісіне берген сұхбатында қазақстандық Геннадий Головкин (40-1-1, 35 КО) және польшалық Камил Шеремета (21-0, 5 КО) арасындағы жекпе-жектің маңызы жайлы ойын айтты.

IBF санкция берген кездесу ақпанда Чикагодағы Wintrust Arena шаршы алаңында өтеді.

"Головкин және Шеремета арасындағы айырмашылық жер мен көктей. GGG жеңетіні анық. Бұл аса бір ауыр жекпе-жек болмайтынына келісемін. Дегенмен ұйым регламенті орындалу керек. Қазір титулдар мен белбеулер боксшылар үшін құнын жоғалтып жатқанда, ереже ұстану өте маңызды. Әрине қаржылық тартымдылығы басым болу қажет, дегенмен, ол гегламент пен титулға әсерін тигізбеу керек", - дейді Бенсон.