Ресейлік кәсіпқой боксшы Дмитрий Бивол (20-0, 11 KO) әлемнің абсолют чемпионы болу үшін жекпе-жекке шығуға ниетті екенін білдірді, деп хабарлайды Fightnews.info.
Жартылай ауыр салмақ бойынша WBA Super белбеуінің иегері, Сауль Альварестің (57-2-2, 39 КО) белбеулерін тартып алу үшін, екінші орта дивизионға ауысуы мүмкін екенін жоққа шығармайды.
"Мен әлемнің абсолют чемпионы болғым келеді. Ол үшін екінші орта салмаққа түсуге немесе өзімнің салмағымда кездесуді күтуге болады. Не болатынын алдағы уақыт көрсетеді. Негізі біз "Канело" қарымта туралы не шешетінін күткеніміз дұрыс", - дейді Бивол.
Естеріңізге сала кетейік, Бивол мамырдың басында Сауль "Канело" Альваресті жеңді. 12 раундтың қорытындысында төрешілердің шешімі бойынша ресейлік 115:113 есебімен басым түсті.